Многу парови потрагата по совршената локација за реализација на својата свадба ја завршиле штом дошле во контакт со Hotel Kakslauttanen. Хотелот е лоциран 250км над Арктичкиот појас, во Финскиот дел од Лепланд и со својата единствена локација нуди можност за организација на свадба од соништата. Хотелот има одличен ресторан, како и снежна капела. Располага со 40 првокласни бунгалови со ловџиски ентериер, а дополнително во зима, хотелот нуди можност и за по традиционално сместување – снежно игло и стаклено игло. 

Хотелот нуди можност за организирање на свадба во зима и лето. 

Свадбата во зимска варијанта под поларна светлина е навистина магичен ритуал. Што би можеле друго да ни понуди таква церемонија освен, вечна среќа? Има изградено специјална капела за свадбени церемонии од мраз, како и уште една капела која е сместена во ловџиска кабина во шумата.

Летната свадба пак има своја магија. Разиграност од бои, прекрасна недопрена природа и секако белите ноќи се само моменти кои искуството го прават незаборавно од секој аспект, а притоа ни ги исполнуваат соништата.

Кога зборуваме за несекојдневност, Kakslauttanen ви ја гарантира и преку неговата сала за настани – Santa’s Celebration House. Како за порелаксирани и интимни настани, салата е подготвена да одговори и на поголеми групи посетители. Брои 250 седишта и опремена е со најновите технологии за осветлување, звук и видео. 

За сите оние кои се зимурливи, можат да се препуштат на топлата и удобна ловџиска кабина со преубавиот поглед кон иглоата, како и поглед кон дивината измешан со поларна светлина која со сигурност нема да ве остави рамнодушен. 

Termin.mk се уште нема нешто слично да ви понуди, но да се надеваме дека до 2064 година ќе изникне нешто вакво, и ќе ја дочекаме 50 годишнината збогатени со плус уште една супер невообичаена локација... Маврово, Шапка, шо праите? ☻