MTP Sports Club

Краток опис

MTP Sports Club се наоѓа на ул. Варшавска, во самиот училишен двор на Гимназијата Ѓорги Димитров и располага со комплетно ново отворенo фудбалско игралиште за мал фудбал на вештачка трева. Фудбалското игралиште е направено според сите пропозиции на УЕФА стандардите и располагаме со лиценцирани тренери кои ја водат фудбалската академија на MTP Sports Club! ТК МТП постои од 1995 година. Создаден е како резултат на тениска идеја која беше поддржана и реализирана со помош на неколкумина љубители на тенисот, во време кога Македонија ги живееше првите години од осамостојувањето, па и организацијата на тенисот како и се друго ги доживуваше промените предизвикани од оваа состојба. ТК МТП е член на Македонската Тениска Федерација од 1995 година. Натпреварувачите на ТК МТП се исто така регистрирани членови на МТФ и земаат редовно учество на сите турнири организирани од страна на МТФ. Досегашното искуство и постигнатите резултати ни даваат за право да сериозно размислуваме во правец на квалитетен детски и јуниорски тенис. За таа цел сегашната организација се темели на организација на: Детски тенис - реализација на идејата за еден нов пристап кон вклучување на децата во тениската игра и натпревар, во што се вклучени деца од 4 до 10 годишна возраст Јуниорски екипи - во кои се вклучени сите натпреварувачи на ТК МТП во соодветни категории Тениска академија - каде го пласираме стеканатото тренерско знаење и искуство, организациско искуство, инфраструктура и можности кои ни ги нуди нашето поднебје за создавање на оптимален пакет на тренинзи и подготовка на играчи со високо натпреварувачки амбиции....и дел за сите! Покрај јуниорскиот тенис, ТК МТП е место каде и голем број на рекреативци добро се забавуваат. Природниот и едноставен амбиент го прават ТК МТП место каде сите добро се чуствуваат и уживаат во убавините и забавата што ја нуди спортот. Најзабавните спортски родендени само на едно идеално место за вас и вашите најблиски!!! Оранизиран мултиспортски роденден - фудбал, кошарка и тенис. За најмладите - игротека со најразлични анимации! Моментално преку системот на Termin.mk достапни за резервација се фудбалскиот терен и баскетот. Доколку сакате да резервирате термин за тенис, истото треба да го направите преку нашите телефони за контакт.