Ако го запрашате вашето дете како си поминало на училиште, најчестиот одговор кој можете да го добиете, всушност ќе се однесува на големиот одмор или друг дел од наставата кој вклучува забава. Времето поминато во играње за децата претставува извор на емоции во рутинираното секојдневие.
Ова и не претставува така ново откритие со оглед на фактот дека филозофите и луѓето кои се занимаваат со детската психа низ вековите советуваат дека периодот наменет за игра е од круцијална важност за развојот на децата. Платон дури оди дотаму што вели дека децата одраснати во амбиент на игра и забава ќе израснат во исклучителни личности.
Во последните години, како последица од промената на општествените текови, но и животот генерално, во насока на подинамичен и се помалку забавен, може да се забележи дека не се посветува доволно внимание на токму овој витален процес кај децата. Образовните институции кои ги едуцираат децата од најмала возраст, како да го забораваат она што дури и Платон успеал да го забележи 4 века пред нашата ера.
Затоа пак, родителите треба да се оние кои ќе го воспостават балансот и кои ќе бидат првите да го охрабрат нивното дете да ужива во благодетите на возраста во која се наоѓа. Не дозволувајте им на децата да го живеат животот на возрасните во погрешно време, напротив, борете се силно тие да останат деца што подолго и што поквалитетно низ игра и забава да го осознаат светот околу нив.
Игротеката е синоним за детска социјализација, компетитивност, развој и напредок. Овозможете им ја шансата да станат исклучителни, на наједноставниот можен начин. Не дозволувајте тоа да биде само еднаш во годината, само за време на нивниот роденден, доживувајте ги нивните потреби за социјализација сериозно, исто како што тоа го правите кога се работи за возрасен човек. Издвоното време и вам ќе ви се исплати, со оглед на тоа што додека вашите деца се забавуваат, и самите ќе имате прилика да уживате во својот мир.
